James M. Cain | |||||
---|---|---|---|---|---|
![]() | |||||
Persona informo | |||||
James Mallahan Cain | |||||
Naskiĝo | 1-an de julio 1892 en Annapolis | ||||
Morto | 27-an de oktobro 1977 (85-jaraĝa) en University Park | ||||
Tombo | sen valoro ![]() | ||||
Lingvoj | angla vd | ||||
Ŝtataneco | Usono ![]() | ||||
Alma mater | Washington College (en) ![]() ![]() | ||||
Profesio | |||||
Okupo | scenaristo raportisto verkisto ĵurnalisto romanisto filma scenaristo ![]() | ||||
Laborkampo | Literatura aktiveco, kina scenverkado kaj ĵurnalismo ![]() | ||||
Aktiva dum | 1934– vd | ||||
Verkado | |||||
Verkoj | The Postman Always Rings Twice ❦ Double Indemnity vd | ||||
| |||||
vd | Fonto: Vikidatumoj | ||||
James Mallahan CAIN (Annapolis, Marilando, 1a de julio 1892 – University Park, Marilando, 27a de oktobro 1977) estis usona verkisto, ĵurnalisto kaj romanisto speciale konata pro siaj romanoj de malhela etoso, enkadritaj ene de la nigra romano, el kiu li estas unu de ties plej gravaj reprezentantoj kun siaj samlandanoj Raymond Chandler kaj Dashiell Hammett.
Li ekkarieris kiel ĵurnalisto en la lasta jaro de la Unua Mondmilito kaj poste reveninte en Usonon. En 1932 eklaboris kun Paramount Pictures kiel scenaristo, sed same kiel okazis al Faulkner kaj al Fitzgerald, li malkonsentis pro la korektaj relaboroj de la scenaroj fare de la produktoroj.
Estante 42-jaraĝa li publikigis sian unuan romanon, nome The Postman Always Rings Twice (La poŝtisto ĉiam vokas dufoje, 1934), per kiu li famiĝis pro ties vendosukceso, spite la fakton ke ĝi estis cenzurita en kelkaj usonaj subŝtatoj de pro supozata maldeca enhavo. Poste la romano estis adaptita sepfoje al kino kaj pliajn fojojn al aliaj formatoj. Totale, trideko da filmoj estas bazitaj sur liaj verkoj.
Kritikistoj indikis ke la baza formulo de la majoritato de la verkoj de Cain temas preskaŭ ĉiam pri viro kiu falas pro la kulpo de virino —nome la klasika "femme fatale" (fatala virino)—, kiu iĝas krimulo kaj ŝia komplico.